ФИЛИАЛ ТАРИХЫ
Батыс Қазақстан облысы әкімдігінің «Мемлекеттік қызметшілерді қайта даярлау және олардың біліктілігін арттыру аймақтық Орталығы» ҚР Президентінің 2004 жылғы 11 қарашадағы мемлекеттік қызметшілерді қайта даярлау және олардың біліктілігін арттыру Ережелерін бекіту туралы №1457 Жарлығының, сонымен қатар 2005 жылғы 30 маусымдағы «Мемлекеттік қызметшілерді қайта даярлау және олардың біліктілігін арттыру аймақтық Орталығын құру туралы» БҚО әкімдігінің қаулысының негізінде 2005 жылы 30 маусымда құрылды.
Батыс Қазақстан облысы әкімдігінің 2012 жылғы 26 наурыздағы №51 қаулысына өзгерістер енгізіліп «Мемлекеттік қызметшілерді қайта даярлау және олардың біліктілігін арттыру аймақтық Орталығы» мемлекеттік коммуналдық қазыналық кәсіпорыны Батыс Қазақстан облысы әкімдігінің «Мемлекеттік қызметшілерді қайта даярлау,біліктілігін арттыру және мемлекеттік тілді оқыту Орталығы» мемлекеттік коммуналдық қазыналық кәсіпорны болып қайта құрылды.
Қазіргі өзгермелі әлем мемлекеттік басқару үдерісін оңтайландыру, заманауи білімдер мен дағдылардың қажеттілігін талап етуде. Осыған байланысты мемлекеттік қызметшілерді қайта даярлау және олардың біліктілігін арттыру, жеке тұлғалық және кәсіби құзыреттерін арттыру ісінде жаңашылдық пен бірізділікке қол жеткізу мақсатында Қазақстан Республикасы Үкіметінің 2017 жылғы 14 қыркүйектегі №559 қаулысының негізінде «Мемлекеттік қызметшілерді қайта даярлау және олардың біліктілігін арттыру өңірлік орталығы» МКҚК РМҚК «Қазақстан Республикасы Президентінің жанындағы Мемлекеттік басқару академиясының» Батыс Қазақстан облысы бойынша филиалы болып қайта құрылды.
Филиал миссиясы:
Мемлекеттік және азаматтық қызметшілердің кәсіби және тұлғалық құзыреттерін арттыруға мүмкіндік беретін сапалы қосымша білім беру қызметтерін көрсету
Көрініс:
Қазақстан Республикасы Президентінің жанындағы Мемлекеттік басқару академиясы Батыс Қазақстан облысы бойынша филиалы – Қазақстан халқының игілігі үшін қызмет істейтін, стратегиялық ойлау қабілетіне ие жоғары кәсіби мемлекеттік қызметшілерді дайындау орталығы
Біздің құндылықтар
- Парасаттылық
- Кәсіпқойлық
- Инновациялылық
- Ашықтық
- Қоршаған ортаға деген сүйіспеншілік
