ФИЛИАЛ ҚЫЗМЕТІ
Филиал өз қызметінде Қазақстан Республикасының Конституциясын, Қазақстан Республикасының Азаматтық кодексін, «Мемлекеттік мүлік туралы», «Білім туралы», «Мемлекеттік қызмет туралы» Қазақстан Республикасының Заңдарын, Академия Жарғысын және өзге де нормативтік актілерді, сонымен қатар «Қазақстан Республикасы Президентінің жанындағы Мемлекеттік басқару академиясы» республикалық мемлекеттік қазыналық кәсіпорнының Батыс Қазақстан облысы бойынша филиалы туралы ережесін басшылыққа алады.
Филиалдың негізгі қызметі болып саналатын мемлекеттік қызметшілерді қайта даярлау және олардың біліктілігін арттыру жұмыстарымен қатар филиал бірқатар мемлекеттік органдар мен қоғамдық ұйымдармен бірлескен жобаларды жүзеге асыруда:
- Батыс Қазақстан облысы аудандарының әкімдіктері: «Әкім сағаты» жобасы, облыс аудандарында ұйымдастырылған «Жобалық басқару» семинарлары, кәсіптік бағдар беру жұмыстары;
- «Жас Отан» жастар қанаты: «Елтаным» жобасы, «Жастар форумы», «Көзқарас» дебат клубы, «Өзгерістерді өзіңнен баста» тренингтер желісі;
- ҚР Мемлекеттік қызмет істері агенттігінің БҚО бойынша департаменті: «Өзгерістерді өзіңнен баста» жобасы, «Академия түлектері» жобасы, «Жаңа талап» мемлекеттік қызмет мектебі;
- БҚО жергілікті және аумақтық мемлекеттік органдары: «Команда құру» тренингтері; «Жаңа талап» мемлекеттік қызмет мектебі;
- БҚО жоғары оқу орындары: «Парасаттылық мектебі»
- Қазақстан Республикасы Президентінің жанындағы Мемлекеттік басқару академиясының 25 жылдығына орай ұйымдастырылған «25 әлеуметтік жоба» аясында «Жан жылуы», «Луч света» жобалары;
- «Тәлімгерлер гильдиясы»
